...Pangingialam ng Pakialamero: Grammar...

Pakialamero ako. Ilang tao na ang hiniritan ko sa Facebook dahil sa maaring simpleng pagkakamali na ndi nila napansin na nagawa nila, o sadyang nagkamali sila at walang taong naisip na i-tama ang pagkakamali nilang iyon.
Pero ako un kupal na nangingialam ng buhay ng buhay para hiritan siya na nagkamali siya. Dahil dito, naisipan kong gumawa ng munting listahan ng mga madalas na pagkakamali ng mga mahilig mag-shoutout ng kung anu anung bagay lang.

1. "Votation" - hindi naman ito ginagamit sa mga shoutout. Ito'y isang bagay lang na naiinis ako pakinggan at nais ihain dito. Kung mapapansin mo, tayong mga Pilipino lang naman ang gumagamit ng salitang ito. Walang salitang ganito. Marahil lingid sa kaalaman ng gumagamit ng salitang ito, meron ding salitang tinatawag na "election" na siyang tamang salin ng salitang "botohan". Hindi porke't "botohan" ang salitang Filipino ay dapat may "vote" din sa salin sa Ingles.

2. "I didn't lost my (insert item)" - Sinabi mo nang "didn't", ibig sabihin, tapos na, kelangan pa bang idagdag na "lost"? Hinidi lang naman sa "didn't lost" may bisa ang problema ko dito. Naalala ko lang ang isa kong kaibigan na gumamit ng mismong katagang ito. Marahil lingid sa kaalaman ng ng mga gumagamit nito, na ang "do" na siyang salitang pinanggalingan ng "didn't" ay isang pandiwa, o "verb", kung kaya't hindi mo na kailangang sundan pa ito ng isa pang pandiwa na naka-past tense.

3. "We will gonna come to class..." - Ito ang paboritong kataga ng guro namin noong 2nd year high school sa social studies ata, si Ms. Narag (na masarap ang barbeque na binebenta pag fair). Pero habang nagtatagal, napapansin ko na hindi lang naman pala siya ang gumagamit nito. Marahil lingid sa kaalaman ng mga gumagamit nito, na ang "gonna" ay isang "slang" na salita para sa "going to". Babalik lang tayo sa punto ko sa #2, future tense naman.

4. "There are a lot of stuffs in my head" - Ang dami dami naman nyan. Sa pagkakataong ito, hindi ko masasabi na walang salitang "stuffs" dahil meron. Pero ang "stuffs" ay ginagamit lamang kung pandiwa o verb ito sa pangungusap. Halimbawa, "the cook stuffs the chicken". Marahil lingid sa kaalaman ng mga gumagamit nito, na ang "stuff" ay parang "rice": hindi mo na kailangan pang dagdagan ng "s" upang sabihin na marami ito. 

5. "With regards to your behavior,..." - Kamustahin daw ba ang ugali? Natutunan ko lang kay Kuya Ags na ang wastong paggamit pala ay "with regard to.." o di kaya'y "as regards..". Marahil hindi ko ito malalaman kung hindi nya sinabi sa kin. Ito'y sobrang dalas kong naririnig pero ni minsan di naisip na hindi pala tama. Tila tinanggap na ng utak ko na tama ito. Buti na lang, hindi pa rin nya tinatanggap ang "votation".

Siguro kaya pang madagdagan ang listahang ito. Ayoko lang makalimutan kaya nilagay ko na ngayon. I-edit ko na lang. Baka meron din kayong naiisip. Bukod naman kay Ms. Narag, wala na ko ibang pinangalanan eh, kaya hindi mo rin naman siguro kailangang pangalanan ang taong nais mong pansinin. Bato-bato sa langit na lang.