...Afternoon Pakialaman: Spot the Not!...

Sa nuknukan ng pagkabato ko, nagbabasa ako ng mga comments sa websites at fanpages. Ang napala ko ay sakit ng ulo dahil sa maling paggamit ng mga salita. At upang ipamahagi bahagya ang sakit ng ulo ko, idadamay na lang kita.

Nais ko sanang gawing parang pagsusulit ang blog na ito at pahulaan kung ano ang mali, pero habang umuusok ang ilong ko kakaisip at hindi pagsasalita laban sa mga pagkakamaling nakita ko, naisip kong gawin na lang silang katatawanan. Dahil UAAP ang usapan, naniniwala akong tapos na o kasalukuyang nasa kolehiyo pa ang mga naguusap. At punyetang mga pagkakamali yan. Subukan nyo na lang i-tama ang mga pinakialaman kong mga hirit. 

Isang mensahe sa mga tao: wag nang piliting mag-Ingles para magmukhang aral dahil mas nagmumukha ka lang tanga kung di ka talaga marunong.

1. "It seems to me that they lost their esteem when UST started firing back to back to back 3's." 

- Ang daming back! At esteem talaga yung nawala? Lakas pala ng 3 pointers. Kakanood mo ng TV di mo iniintindi. Di porke't pareho ng tunog eh yun din yun.

2. "They are just proving na worth it sila sa final 4 this year"

- Worth what? Ano yung "it"? 

3. "Mga looser kasi kayo." 

- Ano, taga-pagpaluwag? Ito siguro ang salin sa Ingles ng mga kasali sa Paluwagan. (weh!)

4. "This is just an opinion and my insights regarding on how Falcons play."

- Teka, opinion, naging insights, pero is? Ano ba talaga gusto mo palabasin? 

5. "Bawat team gusto makuha ang championship ng walang hustle parang kayo..." 

- Defense wins championships. Not hustle. So may point naman siya. Hassle nga lang basahin comment nya.