..."Ramdam ko ang asenso!"...

...sabi ng commercial. Lumalakas ang piso. Dumarami ang mga trabaho. Oo nga ata, umaasenso nga ata ang buhay!

Pero bakit ako mismo di ko nararamdaman?

May kotse sa bahay, ayokong gamitin, kasi ang mahal sa gas. Kahit un Volkswagen Beetle na dapat eh napakatipid eh kailangan kong kargahan ng 500 para lang mabisita ko ang girlfriend ko sa UST at ihatid siya sa Pasig bago ako umuwi sa Cainta. Dati kahit panu, 2 araw tinatagal ng 500. Ngayon, isang gamitan, boom. 500 pesos. Kung itinatae lang ang pera, ok lang sana. Ganun ba ang asenso? 

Unang trabaho ko, call center. 16K kaso graveyard shift. 1 day processing lang. Marami nga atang trabaho para sa mamamayan. Naisip ko makalipas ang ilang buwan, ayoko na. Hindi iyon ang pinangarap kong gawin sa buhay ko. Iniwan ko ang trabaho at ang pagkakataong makapag-ipon. Marami namang trabaho dyan eh. Pero makalipas ang dalawang buwan, ayun pa rin ako, nakatengga sa bahay at nag-uubos ng perang kinita sa call center. Ang unang trabahong nagbigay sa kin ng pagkakataon eh tinanggap ko na agad kahit na tila call center pa rin un. ok na kesa patuloy na maging pabigat sa bahay. Nakakainis lang kasi tila nawawalan na ng saysay ang pag-aaral ko. Graduate naman ako, pero un supervisor ko nagstop ata 3rd year college. Hindi naman sa minamaliit ko ang kakayahan ng mga hindi naka-graduate. Ang akin lang, sana pala eh di na rin ako nag-aral at nag-call center na lang. Baka supervisor na rin ako ngayon. Iyon ba ang asenso?

Sa usapang trabaho rin, nakita ko ang payslip ko pag may trabaho ako. Parating mei "deduction" ang tax, Pag-ibig, at kung anu anu pa. HIndi ko maintindihan bakit ganun, nagbabayad naman pala ako ng tax, parte rin pala ko ng nagpapasweldo sa gobyerno, pero bakit kailangan akong kotongan pa ng pulis? Di pa ba sapat na nababawasan na ang sweldo naming mga nagtatrabahong mamamayan para maswelduhan sila para kami pa mismo eh kotongan nila sa mga walang kwentang kadahilanan? Minsan, sa Cubao, galing Aurora, 10.30 ng gabi. Gusto ko sa EDSA dumaan. Nakakita ako ng MMDA. Dahil lang nirerespeto ko ang uniporme ng awtoridad, tumigil ako para tanungin kung pwedeng lumiko, dahil may kotseng nauna sa kin na pinatigil niya at maya maya'y pinatuloy din. Hiningi nito ang lisensya ko, at sinabing swerving daw ako. Sabi ko sinusundan ko un kotseng nasa harap ko. Bakit kako pinadaan nya iyon. Ang dahilan na lang nya sa kin "Sir, kasi gobyerno po yun eh, wala tayong magagawa dun". Tapos ako eh hiningan nya ng 200. Bakit ako nababawasan sa sweldo ko? Para mei maisweldo sa mga taong tulad nito? Pinapahirapan ko lang pala ang mga kababayan ko dahil nagtatrabaho ako at binabawasan ng tax. Pasensya na po, pero ganito ba talaga pag umaasenso ang buhay?

Ilang beses ko nang naririnig sa balita na sinasabi ng presidente na dahil daw sa "stability" ng kanyang gobyerno ay lumalakas ang ekonomiya, lumalakas ang piso. Pero kagabi lang,  napanood ko sa balita na tataas ang mga bilihin: karne, isda, gulay, kahit de lata ay magtataas na, at ang sinabi ng pinuno ng departamentong ito ay wala daw tayong magagawa. Di ba pag lumalakas ang piso ibig sabihin mararamdaman nating kahit paano eh gumagaan ang buhay? Yun tipong sa piso mo eh makakabili ka na ng 2 Tarzan na bubble gum? Kung lumalakas ang piso, bakit tumataas yun mga bilihin? Ganito ba umasenso?

Sa usaping ekonomiya rin, bakit ang presidente ang umaangkin ng papuri sa pagdami ng trabaho at "paglakas ng piso"? Wala naman akong nakikitang trabahong handog ng presidente bukod sa street sweepers. Puro call center, puro dayuhan ang nagbibigay ng trabaho sa mga naghahanap. Ang pag-asenso ba, ibig sabihin ay ipapaangkin mo sa dayuhan ang kalahati ng bansa mo? Sa paglakas naman ng piso, hindi ba't dahil sobrang daming nadidismaya sa bansa at naghanap ng trabaho sa ibang bansa kaya lumalakas ang piso? Di ba't lumalakas ang piso dahil sa OFW remmitances? Pero bakit ganun, tulad nga ng sinabi ko, kung lumalakas ang piso, bakit kailangan pang magdusa tayo lalo? Dahil kaya dito: http://www.bworldonline.com/Research/populareconomics.php?id=0073 ??

Sa tuwing manonood ako ng sine, o kaya sa kalagitnaan ng panonood ko ng PBA minsan, sinisingit ng gobyerno ito. "Ramdam ko ang asenso!" Mga regular na tao, nagsasabing nararamdaman nila ang asenso. Naalala ko, regular din naman akong tao ah. Bakit di ko masabi ito? Magkaiba kaya kami ng depinisyon sa "asenso"? Kung ang asenso pala ay ganito, ayoko na. Gusot ko na lang maghirap. Baka mas gumanda pa ang buhay.